Impostura de fumador [gamma]
Blogue persoal de Alexandre Insua

Leo na prensa escrita unha nova sobre unha enquisa feita a través de internet sobre unha ordenanza municipal.

Reflexiono sobre a votación ao conxunto dos orzamentos xerais do estado. O esencial, para o que nos toca, é que, logo dunha negociación, o BNG conseguiu 125 millóns de euros máis que o ano pasado.

Sinto falar das sinaturas que presentou unha entidade sen ánimo de lucro na Consellaría de Educación para que os pais e as nais poidan escoller a lingua que debe ser empregada cos seus fillos.

Segundo esta información, o 82% das persoas que a responderon están en contra de que o concello poida facerse cargo dos edificios ruinosos ou medio construídos.

Isto significa que cada un dos dous deputados, exactamente, do deputado e da deputada, achegan 65 millóns e medio cada un. O conxunto do PP non consegue nada e o PSOE, con Antón Louro á cabeza, non sabe nin contesta.

O número total de sinaturas é 2000. Esta cifra supón aproximadamente o 0’55% do total dos pais e nais en Galiza. Aínda que hai que ser respectuoso co este  tipo de colectivos, e co seu apoio social, o PP debería pensar a quen ampara.

Resístome a pensar que só o un de cada 5 persoas acrediten na necesidade de recuperar os cascos vellos das nosas cidades.

Chámame a atención que os medios de comunicación pasen con pés de la sobre este feito, agradecen coa boca pequena o esforzo nacionalista, pero non din nada do papel das outras persoas que tamén nos representan. As forzas políticas non nacionalistas son inútiles para nós desde esta perspectiva. Engado que hai exemplos de valentía política noutras latitudes…

(Descoñezo o número de sinaturas que é capaz de recoller A Mesa nun día, pero creo que é algo máis dese guarismo…)

Descarto unha conspiración de construtoras e promotoras.

Con todo, eu xa me sabía esta lección. Asumindo os seus puntos febles, que os ten, o nacionalismo supón progreso real para nós. As persoas que aínda non recoñecen este feito deberían reflexionar.

A min, por outra parte, paréceme estupendo que o PP apoie este tipo de colectivos anti-galegos, de talibáns lingüicidas.

Este tipo de enquisas por internet son unha merda.

Aínda están a tempo.

O pobo galego debe ter claro qué vota.

{Espectacular o papel de López-Chávez, I. no pleno do Parlamento Galego esta semana. Pasará á historia, como The Lord of the little threads, como noutrora Fraganator... Outra obra mestra de Puag! Productions}